KOS KAN GENEES

IT STARTS WITH FOOD: Mellissa and Dallas Hartwig 

Bak en kosmaak is my grootste passie in die lewe maar ek is 6 jaar terug gediagnoseer met “leaky gut” wat daartoe gelei het dat ek 'n outoïmmuun siekte ontwikkel het met kroniese inflammasie, ek is ook met Barrets Esophagus gediagnoseer as gevolg van herhaaldelike GERD en my IBS het jaar na jaar erger geword met krampe wat soos elektriese steke deur my gegaan het, ek het in 'n baie diep depressie verval en het die punt bereik dat alles net teveel vir my was en toe kom die draaipunt na ek in 2015 'n ligte beroerte gehad het.
Ek moes afskeid neem van tradisionele kosse en tradisionele gebak met koekmeel en suiker, die proses was moeilik ja sommer baie moeilik want in my hart, siel en gees was ek letterlik en gebak getroud gewees, die aflê daarvan het my deur 'n rou proses geneem en ek het in 'n diep depressie verval want ek wou myself nie losmaak van dit wat ek so lief gehad het nie.

Ek is nie 'n mediese praktisyn of 'n dieetkundige nie, my pad is een van navorsing en om te ontdek watter kosse die beste werk vir my gesondheid en omstandighede.

My fokus is om Paleo resepte in Afrikaans te plaas en die bestanddele van oorsese bestanddele aan te pas vir Suid Afrikaanse produkte.
Dis nie my doel om enigsins mediese raad te gee nie want ek is nie 'n praktisyn of 'n dieetkundige nie.

Ek is op 'n ontdekkings reis om my kroniese inflammasie onder beheer te bring deur 'n lewensveranderende eetplan te volg wat SUIKERVRY, GRAANVRY EN LAKTOOSVRY is omdat die bestanddele inflammasie deur my ingewande en lyf veroorsaak.
My reis begin met die boek: It starts with food deur Dallas en Melissa Hartwig

Gesondheids Groete
Nini