TERTE

ONDERSTEBO PEERTERT

Glutenvry, Paleo en AIP

Bestanddele

1 groot peer (nie te ryp nie)

½ koppie klappermeel

¼ koppie arrowroot

1 teelepel koeksoda

¼ teelepel sout

1 teelepel kaneel

1 ½ teelepel gemmer

⅓ koppie klapperolie

⅓ koppie heuning

4 eetlepels fyngedrukte baie ryp piesang

2 eetlepels gelatien, plus ½ koppie koue water (dit is die plaasvervanger vir die eiers)

METODE

1. Voorverhit die oond 180 ˚C

2. Neem 'n klein tertpan van 20 cm, voer dit met bakpapier en smeer goed met klapperolie.

3. Skil die peer, sny in die helfte en sny dan in dun skywe in 'n sirkel uit op die bakpapier.

4. Sprinkel die gelatien oor die koue water en los om te spons.

5. Meng al die droë bestanddele saam in 'n klein mengbak.

6. Verhit die klapperolie en heuning in 'n klein kastrol, dit moet nie kook nie, verwyder van die stoof plaas die gesponsde gelatien daarin en roer vinnig tot die gelatien gesmelt is.

6. Voeg die gelatienvloeistof by die droe bestanddele en meng goed.

7. Gooi dit oor die pere en bak vir 35 minute of tot die middel gestol en gaar is.

8. Laat die koek in die pan afkoel voor jy dit uitkeer.

Mocha Sjokoladekoek

MOCHA EN SJOKOLADEKOEK

Glutenvry, verfynde suikervry, Suiwelvry, Low-Carb

 

Bestanddele

Droë bestanddele

½ koppie klapper meel

½ onversoete kakao

2 teelepels glutenvry bakpoeier

¼ teelepel sout

1 koppie Erythritol

Nat bestanddele

6 groot eiers

½ koppie klapper melk of Amandelmelk

½ koppie water

½ koppie klapper olie gesmelt (ek hou van Quinn’s) maar as botter jou nie affekteer nie gebruik dit eerder.

 Versiersel 

2 ryp avokadopere

½ koppie onversoete kakao

½ koppie of meer na smaak heuning

½ teelepel vanielje

Knypie sout

½ teelepel Psyllium Husk

2 eetlepels sterk koffie

Metode

1. Voorverhit oond tot 180 C

2. Sny bakpapier en plaas in 2 koekpanne met 'n 20 cm deursnee en spuit goed of smeer dit goed met klapperolie

3. Sif die droë bestanddele 2x

4. Klits die nat bestanddele saam en roer dit met 'n ballon klitser by die droë bestanddele.

5. Deel die beslag eweredig tussen die twee panne.

6. Bak vir 25 minute of tot gaar, oppas vir droog bak.

7. Laat in die panne afkoel en keer dan op 'n rakkie uit.

Versiersel

Metode 

1. Sny en ontpit die avokadopere, skep die vlees uit en plaas dit in 'n voedselverwerker (dit gee 'n baie gladde tekstuur)

2. Voeg al die ander bestanddele by die avokadopere en blits dit tot alles goed gemeng en glad is.

Samestelling van die koek

1. Neem een van die lae en plaas dit op 'n mooi bord, smeer van die versiersel op, plaas die tweede laag op en smeer van die versiersel bo op en langs die kante.

3. As daar versiersel oorbly eet dit as 'n sjokolade mousse

4. Hou in die yskas. 

WENK

Laat die koek vir 'n paar uur staan, dis die volgende dag nog beter.