FUDGE GEMAAK MET AMANDEL BOTTER

FUDGE GEMAAK MET AMANDEL BOTTER

Fudge is 'n lekkerny wat my terugneem na my kinderdae want my mammie was 'n VLU kampioen gewees. Sy kon allerhande sagte en harde lekkergoed maak maar ons familie gunsteling was haar fudge gewees. Dit was smelt in die mond lekker gewees, sag en romerig gemaak met room, botter en suiker.

Vandag deel ek 'n heerlike vinnige resep vir fudge wat die wat die Low Carb, Banting of Paleo eetplan volg, dis ook Laktoosvry en suikervry.

Onthou om dit in die vrieskas te hou sodat dit ferm bly, dis 'n heerlike vinnige happie vir daardie ekstra bederf nou en dan.

Dis ook 'n gesonde suikervry alternatief om vir kinders te gee.

AMANDELBOTTER SJOKOLADE FUDGE

Bestanddele

1 ½ Koppie amandelbotter (ek het my eie gemaak en alhoewel dit nie so glad is soos die gekoopte amandelbotter nie is dit nog steeds heerlik en baie goedkoper om te maak)

¼ koppie Klapperolie

¼ Donker onversoete Kakaopoeier

¼ Koppie Xylitol of Erythritol of Heuning (ek het heuning gebruik, maar gebruik dan net die helfte van die Klapperolie anders is die mengsel te nat.)

½ Teelepel Vanilla ekstrak

'n Knypie Himalayan sout

METODE

Smelt die klapperolie (in die somer is dit gewoonlik klaar gesmelt)

Voeg al die ander bestanddele in 'n mengbak en meng goed.

Voering 'n klein pannetjie uit met bakpapier en druk die mengsel in, maak dit gelyk met die agterkant van 'n lepel wat jy in water doop.

Plaas in die vrieskas tot dit gestol is.

Sny in klein blokkies en stoor in 'n lugdigte houer in die vrieskas.

BESTE GRAANVRY PASTEIKORS

DIE BESTE GRAANVRY PASTEIDEEG

Die deeg is so veelsydig en werk en rol maklik uit.

Die deeg is wonderlik vir die maak van pizza, pasteie en selfs om 'n tertbord mee uit te voer vir 'n quiches.

Voor jy die deeg uitrol plaas die warm deeg op uitgerolde kleefplasiek en plaas dan weer kleefplastiek bo op. Rol uit soos gewone deeg.

Die deeg is voldoende vir twee quiche panne, deel die deeg in die helfte en rol eers een deel uit en plaas dit dan in die bak. Rol die tweede helfte uit, as die deeg te koud geword het om lekker uit te rol plaas dit vir 30 sekondes terug in die mikrogolf oond of tot dit weer sag genoeg is om uit te rol.

Gebruik vir die maak van pizzas maar moet nie die deeg oorlaai met “toppings” nie want dit kan die deeg in die middel pap maak.

Die deeg vries goed so bere elke oorskiet stukkie want die deeg is duur.

BESTE GRAANVRY PASTEIDEEG
2 Eetlepels Klapper olie
300 gram gerasperde mozzarella kaas
1 Koppie Self Raising Glutenvry meel van NATURES CHOICE
OF
3/4 koppie graanvry meel mengsel (sien nota onder)
1 eier, liggies geklits
1/4 teelepel sout.
Voorverhit die oond tot 200 grade C
Plaas die kaas en klapper olie in 'n mikrogolfoond bak, plaas die bak in die mikrogolfoond en smelt die Mozzarella kaas. Dit het 2 minute in my 1200 Watt mikrogolfoond geneem.
Voeg die Glutenvry of Graanvry meel by die gesmelte kaas en voeg die geklitste eier en sout by.
Roer vinnig tot amper gemeng, gooi uit en knie tot elasties en die meel goed versprei en ingemeng is.
Rol die deeg uit tussen twee lae kleefplastiek. As die deeg te koud word om uit te rol kan dit net vinnig weer verhit word tot dit sag voel.

GRAANVRY MEELMENGSEL

Meng 500 ml (2 koppies) amandelmeel met 150 ml (2/3 Koppie) klappermeel.

Stoor in 'n geseëlde houer en gebruik soos benodig.

Lekkerste Graanvrye Bruintjies

Die bruintjies is heerlik en al sit jy dit voor vir gaste, vriende of familie wat nie graanvry is nie sal hulle dit nie weet nie. Hou net ingedagte dat amandelbotter duur is as jy dit klaargemaak koop maar dis baie maklik om jou eie te maak deur 'n koppie amandels in 'n voedsel verwerker te plaas met plus-minus 2 eetlepels klapperolie, verwerk tot glad en romerig, daar sal altyd klein growwe deeltjies wees maar dis belangrik om dit redelik glad te kry.

Sny dit in klein porsies want dit is baie ryk.

DIE LEKKERSTE BRUINTJIES

Graanvry, suikervry (verfynde suikers), Laktoosvry.

Geskik glutenvry, Paleo en Low-Carb

BESTANDDELE

1 Koppie amandelbotter (maak dit self deur amandels en 2 eetlepels klapperolie  in 'n voedsel verwerker te plaas tot dit glad en romerig is) of koop die amandelbotter klaar gemaak.

1/3 Koppie heuning of regte maple syrup (te kry by gesondheidswinkels)

2 eiers

2 Eetlepels gesmelte klapperolie

1 Teelepel vanielje

1/3 Koppie suiwer kakaopoeier (nie die soort wat versoet is nie)

½ Teelepel koeksoda

METODE

Voorverhit die oond op 160 ˚C.

Plaas die amandelbotter, heuning of maple syrup, eiers, klapperolie in 'n groot bak en klits dit baie goed.

Voeg die kakao en koeksoda by en roer goed deur.

Plaas bakpapier in 'n koekpan 23 cm x 23 cm en spuit goed.

Gooi die deeg in die pan en smeer die deeg ewerig uit, hoe egaliger jy die deeg smeer hoe beter sal die eindproduk wees.

Bak vir 20 minute, die bruintjies moet nog sag voel as jy daarop druk.

Los in die pan om af te koel.

Keer uit die pan en verwyder die bakpapier.

Sny in klein blokkies en versier.

WENK

Doop 'n lepel in water en gebruik die agterkant om die deeg egalig te maak.

BEDIENING

Plaas 'n teelepel CRÈME FRAÎCHE op elk en versier met bessies.

Vir 'n suiwelvrye opsie: Plaas 'n blikkie kokosroom in die yskas vir tenminste 12 uur (ek het altyd 'n blikkie in my yskas), gooi die koue room in 'n bak en klits liggies, voeg 'n bietjie kaneel by en 'n teelepel heuning as jy dit sou verkies.

Die bruintjies hou goed in die yskas.

DISCLAIMER

DISCLAIMER

The information on my webpage is my personal journey. It is not intended nor implied to be a substitute for professional medical advice. Currently I am working together with an Integrative medical specialist.  Reading my blog does not create a physicial-patient relationship and the purpose of my blog is to share my journey to being well and to encourage anyone who is in a similar situation.

The recipes I share are not geared at one particular food program but my recipes are suitable for those who are following a Low-Carb, Gluten intolerant, Grain free, Sugar free (from refined sugars)  life styles and some recipes are Paleo friendly.

Simptome van "leaky gut"

 

http://draxe.com/4-steps-to-heal-leaky-gut-and-autoimmune-disease/ 

Die diagram is van Dre Axe se webblad, gaan lees gerus wat hy op sy webblad skryf dit bevat wonderlike leersame inligting.


Ek het het vir jare lank 10 uit die 11 simptome gehad en dit het stelselmatig vererger, my depressie het hoogty gevier ek het net sieker geword tenspyte daarvan dat ek al jare lank glutenvry was, ek het kroniese inflamasie in my liggaam en ingewande ervaar en my dierbare dogter en man het gesê hulle glo dat daar meer kos soorte is wat my siek maak.
Hulle was reg gewees en na baie huil, ontkenning en kwaad wees het ek ingestem om die 30 dae wholeness program te volg wat uiteengesit is in IT STARTS WITH FOOD.
Maklik was dit nie, eerstens moes ek my gesindheid verander teenoor dit wat ek toegelaat was om te eet - ek wou nie glo dat my geliefde kosse my so siek kon maak nie en toe word my man met ernstige arteriosclerosis gediagnoseer en het hy by my leefwyse ingeskakkel.
Ek het gehoop dat ek na n aantal maande weer "normaal" sou kon eet maar heellaas dit kan jare neem om "leaky gut" te genees en in my geval het dit verder gegaan en het leaky gut outoïmmuun siektes veroorsaak.
Die wonderlike is ek vrede gemaak met die leefwyse en agtergekom dat ek heerlik kan eet MAAR die beste is ek kan voel hoe my liggaam besig is om te genees, stadig, bietjie vir bietjie en my depressie is besig om met rasseskrede te verbeter.
Dit raak alhoe makliker om sonder suiker en graan te leef veral omdat ek die ruseltate kan sien.

Die volgende inligting is geneem van Dr. Axe se webbladsy
 http://draxe.com/4-steps-to-heal-leaky-gut-and-autoimmune-disease/

Leaky Gut Symptoms and Progression
This leads to inflammation throughout your system and can cause symptoms, such as:
Bloating
Depression
Food sensitivities
Thyroid conditions
Fatigue
Joint pain
Headaches
Skin issues like rosacea and acne
Digestive problems
Weight gain
Syndrome X